Никас Сафроновонь выставкац (МОКША)
Выставкать экспозицияса художникть вейхксогемоньда лама живописнай и графическяй работанза. Ламоцне эздост содаф ломанень, общественнай и политическяй деятелень, артистонь портретт. Ваныхне васьфтихть тяса и пейзажт, конат тифт дрим вижен авторскяй стильса. Никас Сафроновонь творчествац — тя эрь кодама направлениянь, школань, эпохань марстонь соткс. Сон шорязень Средневековьянь, Ренессансонь, Барокконь, классицизмань, романтизмань и модернонь эстетическяй принципнень и идеологияснон. Теенза удалси сёрмадомс живописень сембе стильса и жанраса, но тяка пингть сонь сонцень аф эсь лацонь шиц. Никас Сафроновонь работанза няфневихть инь цебярь музейхнень и галереятнень эса. Картинанза ванфтовихть содаф ломанень кядьса. Саранскяйса Никас Сафроновонь тя омбоце персональнай выставкац. Сон кармай работама кефкиеце сентябрьти и сембонди удалай ваномс аф эсь лацонь мазышить.