«Музыка Земли» фестивалень лауреат. (ЭРЗЯ)
Сундерьковонь 4-це чистэ Санкт-Петербургсо ютась «Музыка Земли» Весероссиянь фестивалень-пелькстамонь гала-концертэсь. Мариинской театрань Концэртэнь залсонть ёрокчист невтизь и минек ёнксонь артистнэ. «Мерема» фольклорно-этнографической студиясь содавтынзе кунсолыцятнень ламо вайгельсэ морамонть марто. Те проектэнть башкачизэ сеньсэ, што фестивалень программасонть, вейке сцена лангсо, вейсэндявить академической ды этнической музыкась. Фестивалесь мольсь ниле чинь перть, васняяк эрявсь кучомс заявка интернэт вельде. Седе тов колмосядт заявкатнестэ ульнесть кочказь ансяк комсь кавто. Вейке сцена лангсо эсь ёрокчист невтсть артист Россиянь зярыя регионсто. Гала-концертс лиссть ансяк кемколомово коллективть. Студиянь ветицянть, Екатерина Модинань валонзо коряс, минек ёнксонь коллективесь морамосонзо колась аволь вейке седей. Ёвтама, пелькстамось мольс зярыя номициянь коряс — «За верность традициям», «Новая жизнь старых песен», «За исполнительское мастерство», «За вклад в развитие народного творчества» ды «За самобытность», самай те номинациянь лауреатокс кармась минек ёнксонь коллективесь.