Мордовиясо ютась авань форумось! (ЭРЗЯ)

«Ветеран» эрямонь од комплексэнть вакссо арсеви стявтомс эйдень кужо. Теде яволявтсь Мордовиянь прявтось Владимир Волков республикань авань форумсонть. Аватне пурнавсть опрень ды балетэнь театрасо. Те велень хозяйствасо, промышленностьсэ, бизнессэ, наукасо, образованиясо, медицинасо ды культурасо важодицят. Поздоров марто пшкадсь тенст Владимир Волков. Эсензэ кортамосонзо сон ёвтась республикань топавтовкстнэде. Ванстозь зярыя предприятият, кастозь сывелень, ловсонь ды алонь невтевкстнэ. Мордовиясо ули льготной ипотека — иезэнзэ 5 процентт. 5 иень перть неявиксстэ кассь зарплатась. Кастови инфраструктурась. Саранск ошсо стявтови «Юбилейной» микрорайонось, косо кармить эрямо 25 тежат ломанть. Неть топавтовкстнэ кенярдовтыть аватнень. Икелепелень тевтне – поладомс зарплататнень кастоманть, ванстомс питнень кирдемань политиканть, ламолгавтомс чачозетнень, киртямс кулыцятнень ламочинть. Владимир Волковнень ульнесть ламо кевкстемат. Прявтось евтась, што ацамковонь 31-це чистэ Саранскойсэ панжови «Ашан» миемань центрась, «Ветерансо» эрицятне вешсть стявтомс эйдень кужо. Форумось мольсь 3 часонь перть.

Комментарии

Комментариев нет.

This blog is kept spam free by WP-SpamFree.