Мордовиясь «Сырнень сёксьсэ»! (ЭРЗЯ)

МР-нь Прявтось ульнесь «Сырнень сёксь» Россиянь 18-це агропромышленной невтевксэнь панжомасо. Владимир Волков минек делегациянть прявтсоль, ков совасть велень хозяйствань предприятиянь прявтт, пищевой ды перерабатывающей отраслянь ды вишка бизнесэнь предствительть. Коень коряс велень хозяйствань прявт выставкасонть невтевить масторонь содавикс предприятиятне. Панжома чистэнть Россиянь Премьер-министрась Дмитрий Медведев ванынзе региональной экспозициятнень. Владимир Волков ёвтнесь Дмитрий Медведевнень седе, кода роботы ды кастови минек аграрной отраслясь, кодамо топавтовксос пачкодсть велесэ роботыцятне молиця иестэнть. Республикань Прявтось содавтызе премьерэнть республикань содавикс аграрной производстватнень ды велень хозяйствань продукциянь переработкань предприятиятнень марто. Дмитрий Медведевнень ёвтнесть регионсонть анокставиця сывелень продукциядонть, каванизь минек ёнкссо теевиця «Пармезан» сырсэнть. Варчамодонзо мельга премьер-министрась тешкстась, што сон а явови алкуксоньсенть эйстэ ды яволявтсь, што республикась, конась роботы истямо лувсо, моли виде киява.

Комментарии

Комментариев нет.

This blog is kept spam free by WP-SpamFree.