Мордовиянь од ломантне кизэнь перть кармить невтеме эсест ёрокчист весероссиянь форумтнесэ. (ЭРЗЯ)

Кизэнь перть РФ-со од ломантнень туртов ютавтовить весероссиянь ламо форумт. Сех покштнэ сынст эйстэ — «Территория смыслов на Клязьме», «Таврида», «Балтийский Артек» ды «Итуруп». «Территория смыслов на Клязьме» форумось ушодовсь Владимир ёнкссо аштемковонь 27-це чистэ. Эйсэнзэ кармить кавксо сменат, конатнес Мордовиясто молить 120 од ломанть. Неть форумтнэ вечкевить од ломантненень секскак, мекс тесэ сынь аволь ансяк вастневить вейкест-вейкест марто. Тесэ сынь несызь ды кунсолосызь Россиянь превей ломантнень, экспертнэнь, конат кармить сакшномо эрьва сменас. «Территория смыслов на Клязьме» форумонь вейке таркас максозельть 3 заявкат, седеяк ламо бажицят од ломантнень ютксто понгомс «Тавридас». Те форумонтень Мордовиянь од ломантне явить покш мель, мекс Крым полуостровось васты сыцятнень мазый таркасо. «Тавридав» Мордовиясто молить 30 ломанть. Форумось истяжо явозь зярыя сменас. Од ломантне кармить роботамо 6 направлениява. Седе ламо мель карми явозь культурантень. Эсест ёрокчист тосо невтьсызь композитортнэ, актёртнэ, музыкантнэ, режиссёртнэ, поэтнэ.

Комментарии

Комментариев нет.

This blog is kept spam free by WP-SpamFree.