Мордовия республикань прявтось ютавтсь выездной совещания, кона алтазель «Мордовия-Арена» стадиононть перька территориясонть объектнэнь теемантень. (ЭРЗЯ)

2018-це иентень те райононсь карми ошсонок сех витнезь. Зярс жо тесэ весе вийсэ моли важодема. Республикань прявтось ушодызе сонзэ транспортной развязканть вакска территориянь ванномасто. Течинь чинтень объектэсь анок 80 процентс. Владимир Волковнень мерсть, што кадовсь путомс асфальтонть, развязкань алсе ярусонть тротуартнэнь, теемс пирявкстнэнь, светэнть ды разметканть. Кинь кувалмозо карми малав ниле вайгельбеть. Машинасо ардтницятне акирдема марто учить сонзэ панжоманть — те кись пек эряви аволь ансяк тесэнь эрицятненень. Покш кепетема юты транспортной развязкань кавто ёнга. Стадиононть ёндо кепедеви Юбилейноень омбоце микрорайонось, Ремзаводонть ёндо-ветеце микрорайонось. Ие теде икеле васенце микрорайонсо панжозель эйкакшонь кужо, ещё кавто эйкакшонь кужот кармить панжомо омбоце микрорайонсо. Вейкенть уже кармасть кепедеме! Ламо сави теемс те районсо территориянть паролгавтомань коряс. Кортамось васняяк моли Инсар ды Тавла лейтнень чиретнеде. Истяжо Мордовиянь прявтось тешкстызе, што эряви витнемс «Мегастрой» центранть перька тарканть. Весе тень эряви теемс маласо шкасто.

Комментарии

Комментариев нет.

This blog is kept spam free by WP-SpamFree.