Михаил Бабич вастневсь Рав кужонь СМИ-нь прявт редактортнэнь марто. (ЭРЗЯ)
Рав кужонь Федеральной округсо Росийской Федерациянь Президентэнь полномочной представителесь Михаил Бабич Нижний Новгород ошсо ютавтсь коекс теевезь вастовома, Рав кужонь массовой информациянь средствань прявт редактортнэнь марто. Пресс-конференциясонть ульнесь и ВГТРК-нь филиалонь «Мордовия» ГТРК-нь прявтось Наталия Грановская. Президентэнь полпредэсь яволявтынзе иень цетамотнень ды максь каршо вал журналистнэнь кевкстемаст лангс. Кепедевсть кевкстематне, конат кандовить вайгелень максомань вейкине чинтень, регионтнэсэ поликантень, конфессиятнень ютксо ояксчинтень, коррупциянть марто тюремантень ды ламо лият. Вастовомась мольсь малав 3 част. Те шканть перть журналистнэ максть Михаил Бабичнень 40-де ламо кевкстемат.