М.Е.Евсевьевень «Эрзянь свадьба» книгань юбилеентень. (К юбилею книги «Эрзянская свадьба» М.Е.Евсевьева ) ЭРЗЯ

Эрямонь малав 80-нь иетнень Макар Евсевьев алтынзе фольклоронь пурнамонтень, сехте покш мель явсь свадьбань койтненень. Эрзянь свадьбась неявсь сонензэ покш коекс, конасонть кеместэ сюлмавсь раськень историясь, эрямось, койтне-кирдатне. Книгась, ульнесь нолдазь 1931-це. Свадьбань сюпавдояк-сюпав коесь книгасонть явозь зярыя пельксэс.Одирьвань урнемась коень аявовикс пелькс. Весе свадьбанть перть тейтересь аварди сень кисэ, што сонензэ сави туемс тиринь кудосто. Совамс лия кудораськес. Урнить ялганзояк. Те коесь ней уш умок стувтозь, ялатеке, кой-кона велетнесэ аламодо ванстовсть сеть койтне, конатнеде сермадсь Макар Евсевьев. Эрзянь свадьбань койтнесэ ламось моли рузоньсетнень енов. Саемга, одтнэнь баславамось. Суркстнэнь таркас икеле шкане ульнесь викшнезь нардамо. Невтемс кезэрень койтнень неень шкане пек эрявикс тев. Эряви, штобу эйкакштнэ содавлизь раськень историянть аволь ансяк книгасто.