Ковылкинаса касы од шачфнень лувкссна (МОКША)
Ковылкинскяй районца ули воинскяй часть и тостонь военнайхне сидеста сявондьсазь рьвакс Ковылкинань стирьхнень. Од семьяттнень появомаснон мархта касы и шабатнень лувкссна. Эряви азомс, оцю работа оттнень мархта вятихть и райононь ЗАГС-онь покодихне. Ковылкинаса пяк цебярь межрайоннай больницясь. Аф кунара тяса панчфоль одкстоптф шачфтомань и гинекологическяй отделениясь. Сембось тяса арьсеф тёждялгофтомс аватнень шачфтомаснон и шабать мархта улемаснон. Больницяса путф тяниень пингонь оборудования. Операционнайхть, палатат и эсь тевонь содай специалистт — сембось тя лезды ванфтомс тядять и од шачфть шумбрашиснон. Эряви азомс, тяза сашендыхть аватне аф аньцек Ковылкинскяй районцта, но и шабра аймакстовок. Цебярь медицинскяй лезксть вельде Ковылкинаса шачи коль сяда лама идь. Ули надияма, тяфта кармай фалу. Вдь шабатне — минь вандыень шиньке.