Изотерапиясь, кода ормаменькс. (ЭРЗЯ)

Проектэсь совавтови эрямос 2016-це иень чадыковсто саезь. Сон арсезь васняяк сень туртов, штобу эйкакштне седе курок тонадовольть аволь тиринь кудораськентень. Ие пель марто, проектэнтень совавтозь кудораськетне арт-терапиянть вельде вешнить вейкест-вейкест марто ве кель. Эйкакштнень ды тетятнень-аватнень вейсэнь важодемаст мельга ваныть психологт, конат максыть эрявикс превспутомат. Изотерапиясь, кода ормаменькс, эрямос совавтови уш зярыя кемень иеть. Сонсь артомась лезды оймавтомс ломантень. Беряньстэ прянь ветямонть, кундатозь аштеманть, аксунгалеманть ды ламо лия стакачитнень лезды изнямс изотерапиясь. Проектсэнть течинь чинтень 42 кудораськеть, эйкакштне иень коряс явозь 2 группас. Те занятиясонть – покштнэ, сынь прядыть кудораськень дневникенть лангсо роботанть. Топавтыть сонзэ скрапбукинг техникасонть. Изотерапиянь занятиятнеде мельга весе роботатне ванстовить. Седе тов сеанстнэсэ сынь аравтовить карадо-каршо од артовкстнэнь марто, мезесь лезды ваномс полавтовоматнень мельга. Секскак изотерапиянть эряви ютамс курсасо, алтамс тензэ зярыя занятият. Ней жо, проектэнть рамкатнесэ целевой группанть учить еще зярыя занятият: драма, сказка ды фототерапиянь коряс.

Комментарии

Комментариев нет.

This blog is kept spam free by WP-SpamFree.