Ицялонь райононь покшчидень ды кедьчелькев ломантнеде. (ЭРЗЯ)
Велесэ райононь покшчитне свал пек учовикст! Сынст эйсэ кедьчелькев ломантне невтьсызь эсест шкинемаст. Истя ульнесь умонь шкасто саезь ды те коесь ванстови нейгак. Велень поселениятне истямо покшчитнес анокстыть невтевкст. Эрьва сыцясь муи эстнензэ мелень саиця тев. Истят покшчитнень эйсэ учить и сеть, кие невти тесэ эсензэ шкинеманзо, и сеть, кие чачсь тесэ ды мелень путозь учить вастовома ялгаст, раськест марто. Те иестэнть райононь покшчись ютась пек мельстуицясто ды алтазель кинонь иентень. Художественной школань ды эйкакшонь шкинемань кудонь мастертнэ пурнасть тесэ зярыя покш стендт. А Ицялонь педагогической колледжэнь тонавтыцятне ды тонавтницятне невтсть тесэ декоративно-прикладной искусствань коряс эрьва кодамо техникасо мастер-класст. Райононь кедьчелькев аватне невтсть викшневкст, човалясто теезь мазыльмат. Надежда Бочкаревань перька ламо тейтерькат. Сонзэ текстильной скульптурань техникасо теезь някатне саить мель весе ютыцятнень. Теезь някатне куватьс а кирдевить мастерицанть кедьсэ. Кевкстеманок лангс кинень теи те мазычинть? Мерсь теи кеняркс марто ды явши малавиксэнзэ туртов. Мельтеме эзь кадово вейкеяк столь. Тантей ярсамопельтне вечкевсть весенень. Мезе тесэ ансяк арасель! Прякат, кашат, медь. Эряви меремс, целанек те районсонть культурантень явить покш мель. Истят покшчитне кемекстыть вандынь чинтень кемеманть ды вейсэндить районсонть эриця ломантнень.