Ине войнань гайть. (ЭРЗЯ)
Крым республикань Керченской ведьусиянь Аджимушкаень кевень таргамо таркатнесэ ютась эрьва иень военно-археологической экспедициясь. Тов пурнавкшность 60 ломанть, сынст ютксо и поисковиктне-огаревецтнэ. Аджимушкаень кевень таргамо таркатнень марто сюлмавозь Ине Отечественной войнань кемечинь лопатнень эйстэ вейкесь. Тесэ 1942-це иестэ кирдсь оборона Мордовиясто Павел Ягунов подполковникенть «мода потмонь гарнизонозо». Ягуновонь аволь пошк отрядозо кадовкшнось Якстере армиянь Крымской фронтонь войскатнень прикрытиякс. Понгсть окруженияс ды 5 ковонь перть боецтнэ тюрсть мода потсто, сынст арасель сатышка оружияст, ярсамопелест ды ведест. Апак вано стакачитнень лангс эрьва чи сынь маштсть ятонть. 1960-це иетнестэ саезь каменоломнятнесэ ветяви поисковой робота. Кода невтить те иень муевкстнэ, пе те операциянтень зярс еще кувать а ули. Огаревецтнэ Аджимушкаев якасть омбоцеде. Экспедициясь мусь 4 красноармеецень уловт, кепедсть паксянь кухня. 1942-це иестэ, снарядонь сезевематнень эйстэ пракншность потолоконь плитатне, конатне вельтизь штольнятнес кинть. Тува якамс нейгак пек стака, но самай тосо и сех мелень саиця муевкстнэ. Саемга, те иестэнть поисковиктне мусть гусеничной трактор. Се шкане сынст мода потсо кирдсть генераторонь таркас. Тракторонть маласто муезельть ламо боеприпаст ды оружия.