Ине Эрьзянь 140 иетненень. (ЭРЗЯ)
Россиянь документалистнэ тусть Буэнос-Айрэсэв ине скульптордонть Степан Эрьзядо фильманть лангсо роботамо. 23 иеть мастерэсь роботась Аргентинасо. «Степан Эрьзя. Возвращение гения» картинась карми невтезь скульпторонть 140 иень топодемантень. Фильмань режиссерось-постановщикесь Андрей Новоселов яволявтсь, што сынст ули покш мелест содавтомс минек масторонь эрицятнень те ине ломанень творчестванзо марто. Съемочной группась карми роботамо се районсонть, косо ульнесь Эрьзянь макстерскоезэ, истяжо музейтнесэ, косо ванстовить Эрьзянь роботанзо. Минек республикасо съемкатне уш прядовсть, седе тов сынь кармить молеме Италиясо, косо матерэсь эрясь 1904-це иестэ саезь 14-цес. Лентанть лангсо роботы «Фронт Лайн Студио» компаниясь МР-нь культурань ды туризмань министерстванть финансовой лезксэнзэ вельде.