Илядо маняво! (ЭРЗЯ)
Те иестэнть Мордовиясо лангс ливтезь 180-нде ламо манчемань тевть. Сынст эйстэ сизьгементне теезельть интернетэнть, а колоньгементне — мобильной телефононь вельде. Интернэттэнть, мобильной телефондо башка манчицятне теить эсь тевест лиякскак. Саемга Мордовиясо панжозельть 10 уголовной тевть, косо кортави, што манчицятне сакшность кудос, теке социальной эли медицинской роботникть. Улить зярыя фактт, зярдо сакшность банкс кредитэнь саеме, аволь эсест эли аволь алкуксонь документэнь коряс. Истя неть читнестэ вейке од ломань сайт вельде снартнесь рамамс телефон. Предоплатань кучомадо мейле микшницясь лоткась гайневтеманзо лангс отвечамо. Сеедьстэ истят микшницятнень телефоност сёрмадстозь лия регионтнэсэ. Статистиканть коряс, манязтнень ютксо ламо сыре ломанть. Седе сеедьстэ сынст манчить банконь картатнень коряс. Истямо тевтнеде Мордовиясо лиснить ковозонзо зярыя! Ней ламо пенсионертнэнь пенсияст молить карточкас, теньс кундытькак манчицятне. Кода тешкстыть полициясо важодицятне, икелень шкатнестэ манчицятненень седе пек кемсть сыре ломантне. Ней интернетэнть вельде те зыянонтень понгонить од ломантнеяк. Лиякс меремс, те тевденть кияк апак вансто!