Гриппесь аламонь-аламонь поты. (ЭРЗЯ)
Гриппесь те иестэнть моли седе шождынестэ, теке марто, ютазь иень коряс – седе кувать. Роспотребнадзорось тешксты, ламолгадсть карантинс пекстазь класстнэ ды школатне. Мордовиясо карантинсэ 12 общеобразовательной заведения. Даволковонь куншкантень ансяк Саранск ошсо карантинс пекстазь 138 класст. Мордовиянть келес те цифрась уш 150-де ламо. Лисни, Саранскоесь – те малав 90 процентт. Школадо икелень учреждениятнень эйстэ каратнинс пестазь Рузаевкань эйдень кужо ды Саранск ошонь кужотнесэ зярыя группат. Эпидемиологте стявтыть кевткстема а покш каникулань ютавтомадо, образованиянь управлениясо а капшить пекстамс весе тонавтома учереждениятнень. Ней весе кемематне сюлмавозь сень марто, што даволковонь 20-це чистэ каникулас туить васенце классо тонавтницятне, а седе тов и весе масторонок карми оймсеме 4 чить, тувталокс тенень Отечествань ванстыцянь чись. Теде мельга ормалгадозтне седе аламолгадыть. Весемезэ роспотребнадзоронь даннойтнень коряс течинь чинтень ормалгадсть республикань 33 тежат эрицят Эряви евтамс, те иестэнть гриппесь юты шожда формасо.