Государствань казнась пештяви шкастонзо. (ЭРЗЯ)

Сундерьковсто налоговой службасо важодицятне тешкстызь кенярксчист. Мордовиянь ведомствань сотрудниктне покш чинть лувсо ульнесть тешкстазь шнамонь конёвсо ды дипломсо. Эрямопингензэ перть налоговой службась ютась покш ды аволь шождыне ки. Теке марто, сонзэ прявт путовсксозо свал ульнест вейке — государственной казнань пештямонзо мельга ваномась. Ней налоговой службась — неень шкань вешематнень топавтыця, квалифицированной кадра марто ведомства. Мордовиянь налоговой службантень центральной аппараттонть башка совить вейксэ межрайонной инспекцият. Сынст важодемаст вельде Российской Федерациянь консолидированной бюджетэсь пештявсь комсь кавксово миллиардт кавксосядт колоньгемень кото миллионт целковойс, те суммастонть вейксэ пель марто миллиардтнэ пештизь федеральной бюджетэнть, кевейксэетне — республиканскоенть. Содазь кенярксчистэнть ламо лембе валт ды казнеть. «Заслуженный экономист Мордовии» лементь ней кантнить Наталья Бычкова и Лидия Зудова. Ведомствань сех паро важодицтяненень ульнесть максозь Госсобраниянть ды Прявт Федеральной инспекторонть пельде шнамонь конёвт. Ведомствань прявтось истяжо казсь федеральной ды ведомственной казнеть.