Геройть лемс озафтсть кузня (МОКША)
Советскяй Союзонь Геройсь Николай Александрович Котельников шачсь Ульяновскяй областьса Карсун ошса. Сондедонза башка тя областьса ульсть нинге кота Геройхть. Сяс тостонь од ломаттне маряйхть гордость и лама содайхть синь подвигснон колга. Войнада меле Николай Котельниковонди семьянц мархта савсь ётамс эряма Саранск ошу. Сон ульсь панжада вайме, прянь аф няи, честнай ломанькс. Покодсь Огаревонь лемса университетонь военнай кафедраса преподавателькс, лия вастса. Карсун ошста саф школань тонафнихне эсь учительснон мархта ламос корхнесть Советскяй Союзонь Геройть мала ломанензон мархта. Стирец и унокоц азондсть кода эрясь-ащесь Николай Котельников Мордовияса. А сонь подвигонц когла школань тонафнихне содайхть лама, иттне аф юкснихть войнать, народоньконь подвигонц квалма. А тяфтама геройхнень, кода Котельников, Ульяновскяй областьса шачф лия геройхне ащихть иттнень мялямса башка вастса. Шабатне Карсун ошста, коса шачсь Геройсь Котельников, усксть ёмла кузня и озафтозь Саранск ошень Славань аллеяв, кона панчф Сяськомань шить 65-ие кизонь топодемати.
Тяфтама васедематне и пара тефне, конат шарфтфт сире солдаттнень подвигснон мяляфтомаснонды, од ломаттненди макссихть пяк лама. Васендакиге, сотцихть войнань стака кизотнень колга, кодама питнеса сяськозь минь народоньке фашизмать. Гейрохнень подвигсна, аф пелемасна арсихть тейст ориентиркс эряфса.