«Финно-угорский мир. Фокус Карелия» медиа-форумось. (ЭРЗЯ)

Таштамковонь 21-це чистэ 22-цес Карелиясо мольсь «Финно-угорский мир. Фокус Карелия» медиа-форумось. Сонзэ прявт путовксонзо — финнэнь-угрань информационной пространствань келейгавтомась, журналистэнь ютко ояксчинь сюлмавомась ды ламо лият. Медиа-форумонтень сакшность малав сядо ломанть, сынст ютксо региональной ды федеральной масс-медиань, культурань ды кинонь важодицят Карелиясто, Комистэ, Марий Элстэ, Санкт-Петербургсто, Удмуртиясто, Ханты-Мансийскойстэ. Минек республиканть пельде истяжо якась покш делегация. Истят вастовоматнень питнейчист а ловови, тесэ эрьвась ёвтнесь, кода регионтнэсэ ладязь тевтне национальной изданиятнень коряс, кодат кевкстемат ды стакчить вастневить редакторнтнэнь ды коллективтнень икеле. Кавто чинь перть ульнесть ютавтозь ламо вастовомат, кортамот, конатнесэ ульнесь ладязь, кодат од проект эряви нолдамс тевс сень кисэ, чтобы финнэнь-угрань раськень информационной пространствась касовль ды кемекставоволь. Истя жо ули кемема, што маласо шкасто карми пурназь национальной массовой информациянь средствань каталог.

Комментарии

Комментариев нет.

This blog is kept spam free by WP-SpamFree.

Главное сегодня