«Финнэнь-угрань транзитэсь» Мордовиясо. (ЭРЗЯ)
«Финно-угорский транзит: семейные традиции» раськень ёрокчинь ды искусствань раськеютконь фестивалесь ушодовсь Мордовиясо. «Транзитэнть» башкачизэ сеньсэ, што сонзэ эрьва циклась моли кавто иень перть: васенце иестэнть ютавтовить концертт, омбоцестэнть – гала-концертэсь. Кенярксчисэнть Россиянь регионтнэстэ кудораськень коллективтне невтизь финнэнь-угрань ды самодийской раськень киштемань, морамонь ды инструментальной ёрокчинть. Теде башка эрьва площадкасонть ютасть пресс-конференцият, концертт, экскурсият, мастер-класст, невтемат ды кинопоказт. Те иень фестивалень участникекс кармасть киштиця-морыця кудораськень коллективтне. Мордовиянь ансамблятнеде башка фестивалев сакшность Марий Эл республикасто Лукьяновтнень кудораськест ды Ленинград ёнксонь «Вараста» вепсэнь ансамблясь. Те фестивалесь кармась раськень культуратнень ванстыцякс, кудораськень коень вельмевтицякс. Сон РФ-нь финнэнь-угрань культурань центрань проект, конань лездыцякс кармасть Россиянь Культурань министерствась ды раськень шкинемань Россиянь Государственной кудось. Фестивалень ютавтома читнестэнть истяжо ютавтовсть мероприятият, конат сюлмавозельть Россиянь финнэнь-угрань раськень культурань ды Рав кужонь финнэнь-угрань раськень культурань куротненень 10 иень топодеманть марто. Мордовиядо мейле «Финно-угорский транзит» фестивалесь пачкоди Марий Элэв, мейле Удмуртияв, а прядови Башкортостансо.