Эрьзянди лемтьф ила. (МОКША)
Степан Эрьзянь лемоц лац содаф аф аньцек минь странасонк, но и нльне омба масторса. Республикасонк ётась лама эрь кодама ила, конат лемтьфтольхть скульпторть шачема шистонза сяда нильгемонь кизонь топодемати. Ашесть ляда шири ня тефнень эзда и Кирилловонь лемса библиотекань покодихне. Саранск ошень школань тонафнихне, Мордовиянь писательхне и поэттне, вузонь преподавательхне кочксевсть марса библиотекаса нинге весть лятфтамс Степан Эрьзянь эряфонц и творчестванц колга. Иттне лувсть стихт, конат лемтьфт содаф скульпторти, учёнайхне азондсть земляконьконь эряфонц аф эсь лацонь ширензон колга. Тя васедемась козякофтозень сафнень эрь кодама содамошиса. Степан Эрьзянь колга Мордовиянь лама писатель и поэт сермадсть эрь кодама произведеният. Скульпторть работанза ванфтовихть изобразительнай искусствань музейса, кона каннесы сонь лемонц. Няеви, республикаса мяляфтсазь эсь землякснон и тяфтама илатне тянди цебярь кепотькс.