Эрзя-мокшонь драмань театрась Чувашиясоль! (ЭРЗЯ)

Таштамковонь 19-це чистэ саезь 23-цес Чувашиясо ютась «Сказочная палитра» од ломанень национальной театратнень фестивалесь. Эряви меремс, Мордовиясо арасть истят коллективть, ялатеке минек эрзя-мокшонь драмань театрась эзь кадово ве ёно ды невтизе тосо «Козни Ведявы» спектаклянть. Минек театрась эзь ладя те фестивалентень. Теке марто эрзя-мокшонь драмань театранть репертуарсонзо аволь аламо постановкат, конат алтавить вишка ваныцянтень. Секскак театрань прявтось сайсь мель молемс те фестивалентень ды невтемс тосо «Козни Ведявы» спектаклянть. Прявт роленть налкси Людмила Антипкина. Пьесань авторось Александр Пудин, а путыцязо — од режиссерось Андрей Анисимов. Истямокс, кодамокс сонзэ неизь Чувашиянь ваныцятне, сонзэ путызь 2013-це иестэ. Ды арсесть, што кармить сонзэ невтнеме ансяк Саранскоень сценанть лангсо. Башка эряви ёвтамс спектаклянтень сёрмадозь музыкадонть. Композиторось Нина Кошелева вейсэндизе тесэ классической музыканть, кона кода свал сёрмадовкшнови истямо спектаклятнень туртов ды нееньшканьсенть. Режиссеронть валонзо коряс, путозь спектаклятнень эряви свал невтнемс критиктнень эли, кода те ульнесь Чебоксарсо, жюринть туртов. Ансяк истя налксицятне ды режиссертнэ кармить содамо эсест лавшо ёнкстнэде эли сюпавчидест.

Комментарии

Комментариев нет.

This blog is kept spam free by WP-SpamFree.

Главное сегодня