«Эряк, шачем кяль!» (МОКША)

«Эряк, шачем кяль!» межрегиональнай этнокультурнай лагерьс, койс коре, пуромкшнихть мокшень, эрзянь, татаронь кяльхнень и литературать коряс республиканскяй и межрегиональнай олимпиадаса, а стане жа региональнай эрь кодама пялькстомаса сяськихне и призёрхне. Смузю иттнень тяса васьфнесазь оцю мяльса. Эрь шиня шабатнень мархта ётафневсть шачема кяльса занятият, аф эсь лацонь илат. Иттненди вузонь преподавательхне няфтсть мастер-класст морамать, кштимать, театральнай искусствать и декоративно-прикладной творчествать коряс. «Эряк, шачем кяль!» этнолагерьсь ётафтовсь тядде кемонцеда. И тя пингста сон кельговсь иттненди. Кой-конатне сашендсть тяза аф васенцеда ни. Тяса ваймамась — цебярь казне образованиянь министерствать эзда сятненди, кит тонафнемань кизоть пингста оцю мяль шарфнесть тядянь-алянь кяльхненди, культурать и историять содаманцты.

Комментарии

Комментариев нет.

This blog is kept spam free by WP-SpamFree.