Экстренной вызовонь номерэсь — 112. (ЭРЗЯ)

Мордовия республикава МЧС-нь главной управлениясь пшкади эрицятненень мель явомс 112 экстренной вызовонь номерэнть лангс. Кода карминек содамо, аволь весе содасызь те номерэнть ды нолдасызь сонзэ тевс зыянонь лисемстэ. Теке марто Мордовиянь МЧС-сэ важодицятне лецтить, кода эряви тердемс телефононь пачк республикань экстренной службань представительтнень. Тердемась тееви вейкине, 112 номерэнть коряс. Те топавтови сотовой телефонстояк. Теке марто те системась зярс важоди аволь парсте, кода целанек масторсонок, истя Мордовиясояк. Те стакачинть снартнить витемс. Ней жо оперативной службатнес гайневтемась ладязь автоответчикень коряс. Сон веши гайневтицянть пельде кочкамс эрявикс службанть цифрань вельде: саемга, вейке – те пожарнойтне ды идицятне, кавто — полициясь, колмо — скорой помощесь, ниле — газовой службась. Гайневтемась тееви тоновой режимсэ ды эрьва вызовось кучови кочказь службань диспетчерэнь пультс. Бути жо гайневтицясь а лепшти эрявикс цифра, сестэ вызовось кучови муниципальной райононь или ошонь округонь диспетчерэнь вейкине номерс.

Комментарии

Комментариев нет.

This blog is kept spam free by WP-SpamFree.