«Добрые традиции: из прошлого в будущее» ошень фестивальсь-конкурссь (МОКША).

Фестивальса  примасть участия кафта сядода  лама ломань  аф аньцек  Саранск ошста, но и Лямбирскяй, Рузаевскяй, Инсарскяй районцта. Синь няфтезь  эсь национальнай   культураснон обряттнень,  морхнень,  кштиматнень вельде. Аф  стак  фестивальть  целец  — межнациональнай  соткснень  кемокстамасна,   участникнень творческяй  маштомашиснон  вииямасна. Фестивальсь  ётась  мокшэрзянь  национальнай  театраса.  Фойеса   илас  сафненди  аноклафоль выставка,   коза кочкафольхть национальнай   культурань экспонатт и   машты кядь  ломанень  тифсна.  Но сембода пяк   ваныхнень мяльснон салазе концертнай  программась. Кода содаф,  республикасонк   эряйхть  сяда кевейхксые  национальностень ломатть. Эрь народти   ули  мезе няфтемс,   мезьса   шнафтомс пря. Штоба сяда  лац содамс  фкянь-фкянь и ётафневихть  тяфтама илатне. Кафта частта  лама пялькстомань  участникне   няфнезь  эсь маштомашиснон.   Ваныхне лямбоста  васьфнезь  эрь коллективть.  Няевсь,   илась  удалась  сембе   ширде.

 

 

Комментарии

Комментариев нет.