«Чувашия» ГТРК-сь тешксты 3 юбилейть! (ЭРЗЯ)

«Чувашия» ГТРК-тень -55, радионтень-90, ошонь телевидениянтень-20 иеть! Истят покш датат тешкстыть коллеганок шабра регионсто.Чувашиянь оперань ды балетэнь теарасо покшчистэнть – аволь театрань, а телевидениянь вечкицят. Кенярксчись колмонзазь. Эрьва сотрудникенть – эсензэ вечкемазо ГТРК-тень. Ветерантнэ ледстнить, кода важодсть стака иетнестэ, зярдо ульнесть стака камерат ды савкшнось роботамс плёнка марто. Агния Мадянова ульнесь радиосо звукорежиссерокс 1973це иестэ саезь 1993це иес молемс. Мельспаросо ледстнить телевидениядо сеть, кить ульнесть ГТРК-нь прявтокс. Неень шкане тесэ важодить ламо од журналистт, конатнень туртов телевидениясь ды радиось кармасть улеме эрямонь пельксэкс. Покшчинть панжизе ВГТРК-нь региональной департаментэнь прявтонь полавтыцясь Андрей Никитин. Поздоровонь валт гайгсть Михаил Игнатьевень- Чувашия Республикань прявтонть пельде. Ламот сотрудниктнень ютксто те покшчинтень анокстасть талнома марто. Сыненст савсь тонавтнемс киштемат-вальс ды полонез. Алкуксонь балс понгсть весе инжетне. Седе тов сцена лангсо- «Чувашия» ГТРК-нь весе важодицятне. Покшчись прявт шкась — каземась. Поздоровт гайгсть инжетнень пельдеяк. Казнекс ГТРК-со важодицятнень туртов- эйкакшонь киштемань коллективень, музыкальной ансамблянь пельде номерт . Казне –оперань ды балетэнь театранть пельдеяк. Цетамокс кармась улеме морось — кулятнеде. Журналистнэ тешкстыть, васняяк,вечкевикс важодемаст сынь топавтыть вечкевикс ваныцяст ды кунсолыцяст туртов.