Велень хозяйствасо од специалистнэде. (ЭРЗЯ)

Поладсынек кортамонть сеть од ломантнеде, конат совасть «Мордовия республикань агропромышленной комплекссэнть од кадратнень анокстамодо ды сыненст лезксэнь максомадо» программантень. Ледстясынек, истятнэде минек регионсо 156 ломанть. Нилеце курсонь прядомадо мейле Ксения Шельмакова сась важодеме «Нива» хозяйствас. Важоди тесэ зоотехникекс-селекционерэкс. Агропромышленной комплексстнэс ды велень хозяйстватнес од специалистнэнь самось свал ашти республикань прявтнэнь пшти вановтост ало. Лезэсь максови сетненень, кие ушодызе тонавтнеманть 2015-це иестэ ды сетненень, кие 2015-це иестэ прядызе агрономия, зоотехния, ветеринария, сельскохозяйственной продукциянь производствань ды переработкань технология специальностьтнень. Ксения Шельмаковань мельс пек тукшны важодемазо. Улиця зарплатадо башка сонензэ колмо иень перть эрьва ков пандовить 8 тёжат целковойть. Теде башка иезэнзэ весть максовить 100 тёжат целковойть. Васенце покш пандоманть сон ютавтызе автомобилень рамамс, конасонть ардтни важодема тарканть видьс.

Комментарии

Комментариев нет.

This blog is kept spam free by WP-SpamFree.