«Афганское эхо» республиканскяй фестивальсь (МОКША).
Вов ни лама киза Афганистанцта минь войсканьконь лихтема шиня ётафневи «Афганское эхо» воеено-патриотическяй моронь республиканскяй фестивальть гала-концертоц. Тядде концертнай программати сувась комсь колма инь цебярь номер. Республиканскяй Культурань Дворецса эсь морамань маштомошиснон няфтезь артисттне марнек республикаста. Ульсть ётксост и Афганистанца войнань участникт. Шачема масторти кельгомась, присягати вернайкс улемась, мала ломаттнень ризфсна шавфнень колга – вов мезень колга кайгсть морхне. Кода виденцясть синць артисттне, няфтемс эсь пряцень тя фестивальса – тя оцю честь. Фестивалень жюрись старандась сембонь каземс. Эрь кодама номинацияса казнет и диплопт получасть пцтай сембе участникне. А вов васенце степенень лауреатокс марстонь морамаса арасть Юлия Швецова и Любовь Васильева Торбеевскяй районцта, сольнай морамаса инь цебярькс азфоль Алексей Гагарин Старошайговскяй районцта.