Абрамов лемсэ васенце ловноматне Покш Березниксэ (ЭРЗЯ)
Ледстямс э/м литературань классикенть лемензэ, малавгавтомс шкинемантень седеяк ламо од ломанть! Меленть ютавтомс ловноматнень Кузьма Абрамовонь тиринь ёнкссо кирдизь ве мельсэ весе. Тесэ сонзэ сёрмадовксонзо ловновить седе сеедьстэ, а произведениянь геройтне васенцеде невтевить някань чачосо. Николай Ишуткин — Россиянь литературань фондонь региональной отделениянь прявтось мельспаросо ледстни се шкадонть, кона ней содави фотографиятнень коряс. Сёрмадыцянть марто эрьва вастовомась максокшнось ламо од. Ловноматнень арсицятнень-ютавтыцятнень ютксо вейкесь- Пушкин лемсэ библиотекась, конасонть ванстови сюпав материал раськенек ине сермадеенть коряс. Саемга, фондсонть ули Абрамовонь валморонь васенце пусмозо, кона нолдазель ютазь пингень 40-це иестэнть. Надежда Бочканова ловнома кудонь отделэнь прявтось тешксты, Абрамовонь книганзо ловновицят, кода эрзянь, истя и рузонь кельсэ. Сёрмадеенть шкинемасо аволь весемесь мольсь шождасто. Масторонь келес содавиксэкс Кузьма Абрамов кармась улеме Россиянь изданиятнень вельде. Тиринь келень, фольклоронь парсте содыця ды ванстыця, валонь ёвтнемань валксонь анокстыця, тиринь масторонь вечкиця! Ды те аволь весе ёнкстнэ, конат кандовить ютазь пингень ине сёрмадыцянтень. Кузьма Абрамовонь пьесанзо коряс путовить спектаклят! Седе домкасто Абрамов лемсэ ловноматнеде ванодо Сияжар тематической передачасонок, кона лиси эфирс ацамковонь 13це чистэ 9 чассо.