А.С. Чалдаевень 100 иетненень. (ЭРЗЯ)

Военной ды трудовой подвигень мемориальной музейсэнть «Люди долга и чести» проектэнть лувсо панжовсь «Человек долга и чести» выставка, кона алтавсь Ине Отечественной войнань ветеранонть, партийной важодицянть Алексей Чалдаевень чачома чистэнзэ сядо иень топодемантень. Алексей Степанович Чалдаев чачсь 1916-це иестэ, эйзюрковонь 17-це чистэ Сыре Шайговань райононь Сарга велесэ. Школань ды техникумонь прядомадо мейле Алексей Чалдаев зярыя иень перть важоди Рыбкинань средней школасо, седе тов ёроков цёранть саизь райононь комсомолонь комитетэв. Ине Отечественной войнанть ушодовомадо мейле Алексей Степанович сёрмады фронтов туемадо рапот. 1941-це иень, медьковонь 1-це чистэ сонзэ саизь фронтов, косо ладизь комсомолецнэнь марто роботамонь тыловой частень политотделэнь прявтонь лездыцякс. Демобилизациядо мейле Алексей Степанович велявты тиринь ёнксов ды поладсы партийной роботанть. Сон казезель Трудового Красного Знамени, «Знак Почета» ордентнэсэ. Пенсияв туемадо мейле Алексей Степанович а кадсы важодеманть, свал ломань ютксоль. Алексей Степанович тусь эрямосто 1998-це иестэ. Калмазь Саранск ошсо.